ലഹരിവിരുദ്ധ ബോധവത്കരണം
പൂക്കോട്ടുംപാടം ഗവ. ഹയര്‍സെക്കന്‍ഡറി സ്‌കൂളില്‍ ലഹരിവിരുദ്ധ
ബോധവത്കരണവും വ്യക്തിത്വ വികസനക്ലാസ്സും നടത്തി. തിരുവനന്തപുരം മാജിക്
അക്കാദമിയും സ്‌കൂള്‍ പ്രൊട്ടക്ഷന്‍ ഗ്രൂപ്പും കവളമുക്കട്ട വിശ്വപ്രഭ
ലൈബ്രറിയും സംയുക്തമായാണ് പരിപാടി നടത്തിയത്. ലഹരിവിരുദ്ധ ബോധവത്കരണ
പ്രദര്‍ശനവും ഒരുക്കിയിരുന്നു. പത്താം ക്ലാസ് വിദ്യാര്‍ഥികള്‍ക്കായിരുന്നു
ക്ലാസ്. കാളികാവ് ബ്ലോക്ക് പഞ്ചായത്ത് സ്ഥിരംസമിതി അധ്യക്ഷന്‍ കളരിക്കല്‍
സുരേഷ്‌കുമാര്‍ ഉദ്ഘാടനംചെയ്തു. പി.ടി.എ പ്രസിഡന്റ് സി.ടി. ഹുസൈന്‍
അധ്യക്ഷതവഹിച്ചു. മജീഷ്യന്‍ ഗോപിനാഥ് മുതുകാട് ലഹരിവിരുദ്ധ പ്രതിജ്ഞ
ചൊല്ലിക്കൊടുത്തു. ഡോ. എല്‍.ആര്‍. ശ്രീജന്‍ ക്ലാസെടുത്തു. പഞ്ചായത്ത്
മെമ്പര്‍ പി.വി. സിന്ധു, വി.പി. അഷ്‌റഫ്, ടി.എ. മുഹമ്മദ്കുഞ്ഞ്
പ്രധാനാധ്യാപകന്‍ തോമസ് കെ. അബ്രഹാം എന്നിവര്‍ പ്രസംഗിച്ചു.
No comments:
Post a Comment