എസ്.എസ്.എല്.സി. മോഡല് ചോദ്യപേപ്പറിന്
10 രൂപ നല്കണം
തിരുവനന്തപുരം : സ്കൂള് തല പരീക്ഷകളുടെ തീയതി നിശ്ചയിച്ചു. എസ്.എസ്. എല്.സി മോഡല് പരീക്ഷ 13ന് തുടങ്ങും. ചോദ്യപേപ്പര് അച്ചടി ഇപ്രാവശ്യം സര്ക്കാര് തന്നെ അച്ചടിച്ച് നല്കും. ഇതിനായി 10 രൂപ വീതം ഓരോ വിദ്യാര്ഥിയും നല്കണം. എസ്.സി, എസ്.ടി, ഒ.ഇ.സി വിദ്യാര്ഥികള് ഇത് നല്കേണ്ടതില്ല. ചോദ്യപേപ്പര് ഡി.ഇ.ഒ മാര് മുഖേന സ്കൂളുകളില് എത്തിക്കും. ഡി.പി.ഐ യുടെ അധ്യക്ഷതയില് ചേര്ന്ന ഗുണമേന്മാ പരിശോധനാ സമിതിയുടേതാണ് തീരുമാനം.
എല്.എസ്.എസ്, യു.എസ്.എസ് പരീക്ഷകള് ഫിബ്രവരി 25ന് തുടങ്ങും. ഡയറ്റുകള്ക്കാണ് ഈ സ്കോളര്ഷിപ്പ് പരീക്ഷകളുടെ ചുമതല. ഇതിനായുള്ള പരിശീലനം ഫിബ്രവരി 21 നും 23 നും ഹെഡ്മാസ്റ്റര്മാര്ക്ക് നല്കും.
എട്ട്, ഒമ്പത് ക്ലാസുകളിലെ പരീക്ഷ മാര്ച്ച് 6, 7, 8, 27, 28, 29 എന്നീ തീയതികളില് നടത്തും. മുസ്ലിം സ്കൂളുകളില് ഏപ്രില് 18 മുതല് 26 വരെയാണ് പരീക്ഷ. ഹൈസ്കൂളിന്റെ ഭാഗമായുള്ളിടത്ത് ഒന്നു മുതല് ഏഴു വരെയുള്ള ക്ലാസുകളിലെ പരീക്ഷ മാര്ച്ച് 7, 8, 27, 28, 29 തീയതികളില് നടക്കും. അല്ലാത്ത സ്കൂളുകളില് മാര്ച്ച് 20 മുതല് 29 വരെയാണ് ഏഴാം ക്ലാസ് വരെയുള്ള പരീക്ഷ.
ഡി.പി.ഐ യുടെ അധ്യക്ഷതയില് ചേര്ന്ന യോഗത്തില് ജെ.ശശി, സലാവുദ്ദീന്, കെ.ഷാജഹാന്, കെ.ജി.ബാബു, എന്.ശ്രീകുമാര്, പി.കെ.കൃഷ്ണദാസ്, സിറിയക് കാവില്, ഇമാമുദ്ദീന്, സൈനുദ്ദീന്, കെ.മോയിന്കുട്ടി തുടങ്ങിയ അധ്യാപക സംഘടനാ നേതാക്കള് പങ്കെടുത്തു.
റിപ്പബ്ളിക്ക് ദിനത്തോടനുബന്ധിച്ചു എന് . എസ് .എസിന്റെ ആഭിമുഖ്യത്തില് സ്ക്കൂളില് ശുചീകരണം നടത്തി .ദേശീയ പതാക ഉയര്ത്തിയതിനു ശേഷം വിദ്യാര്ഥികള് സ്ക്കൂള് പരിസരവും ,ക്ളാസ് മുറികളും ശുചീകരിച്ചു .സ്കൂളിന്റെ പച്ചകറി കൃഷിക്ക് വളം ചേര്ക്കുകയും കള പറിക്കുകയും ചെയ്തു .എന് .എസ് .എസ് .പ്രോഗ്രാം ഓഫീസര് കെ.പവിത്രന് , പ്രിസിപ്പാള് ഗിരീശന് , പി.ടി.എ .പ്രസിഡന്റ് അബ്ദുല് ഹക്കീം അധ്യാപകരായ മനോജ് കുമാര് ,ഇ.ടി.ഗിരീഷ് ,ടി.കെ.സതീശന് എന്നിവര് നേതൃത്വം നല്കി 
തിരുവനന്തപുരം: 2012 മാര്ച്ചില് നടക്കുന്ന എസ്.എസ്.എല്.സി പരീക്ഷയുടെ വിജ്ഞാപനം പ്രസിദ്ധീകരിച്ചു. പരീക്ഷ മാര്ച്ച് 12ന് ആരംഭിച്ച് 24ന് അവസാനിക്കും. എല്ലാദിവസവും ഉച്ചക്കുശേഷം 1.45ന് പരീക്ഷ ആരംഭിക്കും. വെള്ളിയാഴ്ച ദിവസങ്ങളില് പരീക്ഷ ഉണ്ടായിരിക്കില്ല. പരീക്ഷാഫീസ് പിഴകൂടാതെ നവംബര് 16 മുതല് 23വരെയും പിഴയോടുകൂടി 25 മുതല് 29 വരെയും പരീക്ഷാകേന്ദ്രങ്ങളില് സ്വീകരിക്കും.
